Маълумки, 21- 27- апрел кунлари юртимиз бўйлаб “Ўзбекистон – китобхонлар юрти” шиори остида V-Республика “Китобхонлик ҳафталиги” бўлиб ўтди. Бағдод туманида ҳам бир қатор маърифий ва маданий тадбирлар ўтказилди. Ҳафталик давомида ўтказилган тадбирлар китобсеварлар қалбида билим ва маънавиятга бўлган меҳрни янада оширди. Китобхонликни тарғиб этишга, ёшларнинг дунёқарашини кенгайтиришга хизмат қилган тадбирларда фаол қатнашган иштирокчилар туман ҳокимлиги, туман прокуратураси, Маънавият ва марифат маркази туман бўлинмаси томонидан махсус диплом ва эсдалик совғалари билан тақдирландилар. Бу каби маънавий-маърифий тадбирлар ёшларимиз қалбида китобга меҳр уйғотиш, билимли ва етук авлодни тарбиялаш йўлидаги эзгу қадамлардан биридир.