Farg‘ona viloyati hokimi o‘rinbosari Hakimjon Dolimov tomonidan Quvasoy shahar aholisi uchun sayyor qabul o‘tkazildi. Mazkur uchrashuv aholining murojaatlarini bevosita joyida tinglash, mavjud muammolarni tahlil qilish va ularni hal etish bo‘yicha samarali muloqot maydoniga aylandi. Sayyor qabulda sohaga aloqador viloyatdagi korxona, tashkilot va muassasalar va ularning shahardagi bo‘linma rahbarlari shuningdek, jismoniy va yuridik shaxslar ishtirok etdilar. Qabul davomida fuqarolar tomonidan bildirgan murojaatlar atroflicha ko‘rib chiqildi. Ular asosan elektr, suv, gaz va kadastr hujjatlari kabi masalalarga oid bo‘ldi. Ro‘yxatga olingan murojaatlarning ko‘pi joyning o‘zida yechim topgan bo‘lsa, muayyan muddat va hujjat talab qilgadigan ayrim murojaatlar ijroga yo‘naltirilib, nazoratga olindi.